କଂଗ୍ରେସ ପକ୍ଷରୁ ଭୋଟ ଚୋରୀ ଦସ୍ତଖତ ଅଭିଯାନ ସମୀକ୍ଷା

ନୟାଗଡ଼,(ଶୁଭ୍ରାନିଲ୍‌): ପିସିସି ସଭାପତି ଭକ୍ତ ଚରଣ ଦାସଙ୍କ ନିର୍ଦ୍ଦେଶ କ୍ରମେ ନୟାଗଡ ଜିଲ୍ଲାବ୍ୟାପି ଭୋଟ ଚୋରି ଦସ୍ତଖତ ଅଭିଯାନ ଅଗ୍ରଗତି ସମ୍ପର୍କରେ ସମୀକ୍ଷା ବୈଠକ ଜିଲ୍ଲା ସଭାପତି ତଥା ବରିଷ୍ଠ ଆଇନଜୀବୀ ରଣଜିତ ଦାଶଙ୍କ ଅଧ୍ୟକ୍ଷତାରେ ଡିସିସି କାର‌୍ୟ୍ୟାଳୟଠାରେ ଅନୁଷ୍ଠିତ ହୋଇଯାଇଛି । ପିସିସି ପର‌୍ୟ୍ୟବେକ୍ଷକ ସୁଶ୍ରୀ ସ୍ୱାଗତିକା ପଟ୍ଟନାୟକ ଏହି ବୈଠକରେ ଯୋଗ ଦେଇ ଜିଲ୍ଲାର ଦଳୀୟ କାର‌୍ୟ୍ୟକର୍ତ୍ତାଙ୍କ ସହିତ ଆଲୋଚନା କରି ପ୍ରତ୍ୟେକ ନିର୍ବାଚନ ମଣ୍ଡଳୀରେ ଆସନ୍ତା ୧୯ ତାରିଖ ସୁଦ୍ଧା ଅନ୍ୟୁନ ୧୦ ହଜାର ସାଧାରଣ ଜନତାଙ୍କ ଦସ୍ତଖତ କରାଯିବା ଉପରେ ଗୁରୁତ୍ୱ ଆରୋପ କରିଥିଲେ । ଅଦ୍ୟାବଧି ସମଗ୍ର ଜିଲ୍ଲାରେ ପ୍ରାୟ ୧୫ ହଜାର ଦସ୍ତଖତ ସଂଗ୍ରହ କାର‌୍ୟ୍ୟ ଶେଷ ହୋଇଥିବା ବ୍ଲକ ସଭାପତି ରିପୋର୍ଟ ଦେଇଥିଲେ । ବରିଷ୍ଠ କଂଗ୍ରେସ ନେତା ତଥା କନ୍ଧମାଳ ଜିଲ୍ଲା ପର‌୍ୟ୍ୟବେକ୍ଷକ ହୁସେନ ଖାଁ, ରଣପୁର ବିଧାୟକ ପ୍ରାର୍ଥୀ ବିଭୂପ୍ରସାଦ ମିଶ୍ର, ଜିଲ୍ଲା ଡିସିସି କିସାନ ସେଲ ଅଧ୍ୟକ୍ଷ ବସନ୍ତ କର, ଆରଜିପିଆରଏସ ଜିଲ୍ଲା ଅଧ୍ୟକ୍ଷ ସୁକାନ୍ତ ଶତପଥି, ଜିଲ୍ଲା ସଂଖ୍ୟାଲଘୁ ସେଲ ଅଧ୍ୟକ୍ଷ ଅମଜାଦ ଖାନ, ଜିଲ୍ଲା ଓବିସି ସେଲ ଅଧ୍ୟକ୍ଷ ନାରାୟଣ ସାହୁ ଜିଲ୍ଲା ଛାତ୍ର କଂଗ୍ରେସ ସଭାପତି ଶିବରଞ୍ଜନ ସାହୁ, ରାଜ୍ୟ ଛାତ୍ର କଂଗ୍ରେସ ସାଧାରଣ ସମ୍ପାଦକ ଦିଲ୍ଲୀପ ବିଶୋଇ ସମେତ ବହୁ ଦଳୀୟ କାର‌୍ୟ୍ୟକର୍ତ୍ତା ସମୀକ୍ଷା ବୈଠକରେ ଉପସ୍ଥିତ ରହି ନୟାଗଡ଼ ଜିଲ୍ଲାରେ ଭୋଟଚୋରି ଦସ୍ତଖତ ଅଭିଯାନ କାର‌୍ୟ୍ୟକ୍ରମ ସଫଳ କରିବା ପାଇଁ ନିଷ୍ପତି କରିଥିଲେ । ଏହା ସହିତ ଖଣ୍ଡପଡା ବିଧାନସଭା ନିର୍ବାଚନ ମଣ୍ଡଳୀରେ ଭୋଟଚୋରି ଦସ୍ତଖତ ଅଭିଯାନ କାର‌୍ୟ୍ୟକ୍ରମ ସଫଳ କରିବା ପାଇଁ ଡିସିସି ସଭାପତି ରଣଜିତ ଦାଶ ଏକ ସଂଯୋଜନା ମଣ୍ଡଳୀ ଡିସିସି ପର‌୍ୟ୍ୟବେକ୍ଷକ ବରିଷ୍ଠ ନେତା ସୁକାନ୍ତ ଶତପଥିଙ୍କ ଅଧ୍ୟକ୍ଷତାରେ ଗଠନ କରିଛନ୍ତି । ବରିଷ୍ଠ ନେତ୍ରୀ ବିନୋଦିନୀ ମହାନ୍ତି, ବସନ୍ତ କୁମାର ମହାରଣା, ପ୍ରକାଶ କୁମାର ଖୁଣ୍ଟିଆ, ଯୁବ ନେତା ଦିଲ୍ଲୀପ ଖୁଣ୍ଟିଆଙ୍କୁ ନେଇ ଦସ୍ତଖତ ଅଭିଯାନ ତ୍ବରାନ୍ବିତ କରାଇବା ପାଇଁ କମିଟି ଗଠନ କରାଯାଇ ପ୍ରଦେଶ କଂଗ୍ରେସ ଭୋଟଚୋରି ୱାର ରୁମକୁ ଅବଗତ କରାଯାଇଛି ।